Pubblicato il 29/03/2010 11:25:06
‘A RENTIERA
Quanno moro
mettiteme ‘a rentiera ‘mmocca,
ca’ nun me voglio apprisentà
sdentato annanz’o’ Pataterno.
Già songo tutto pelat’
ca’ capa ca pare ‘nu mellone,
e tengo pure tanta neie ‘mbaccia
ca’ paro a chillu giurnalista ra’ tivvù.
Capite a me, ca pure vuje site murtali,
io nun vulesse fa ‘na mala ‘mbrissione
annanze ‘o Masto ‘e tutte ‘e Maste ‘e festa
quann’arriva ‘o turno mio ca’ m’aggia trasferì.
“Ma chillo vuarda sulamente all’anema
ca’ tu te puorte appriesso a sittant’anne,
- putarrà obbiettà quarcuno un po’ zelluso, -
e propete pe’ chesto sarai cirtamente assorto”.
Ma ‘o vuajo è ca senza e riente ‘mmocca
nun riesco manco a parlà bbuono
e arraggiunanno nun vulesse ca’ capesse stuorto,
senza attenè cunto ca’ io so’ già muorto.
E vvuo’ avvedé ch’aroppa tanta fatica
c’aggio fatto ‘ngopp’à faccia ‘e chesta terra,
nun capenno, pe’ corpa ra’ rentiera qualche frase,
me rispunnesse: “ Nun te capisco. Turnatenne ‘a casa!!!.”
Catello Nastro
« indietro |
stampa |
invia ad un amico »
# 3 commenti: Leggi |
Commenta » |
commenta con il testo a fronte »
I testi, le immagini o i video pubblicati in questa pagina, laddove non facciano parte dei contenuti o del layout grafico gestiti direttamente da LaRecherche.it, sono da considerarsi pubblicati direttamente dall'autore Catello Nastro, dunque senza un filtro diretto della Redazione, che comunque esercita un controllo, ma qualcosa può sfuggire, pertanto, qualora si ravvisassero attribuzioni non corrette di Opere o violazioni del diritto d'autore si invita a contattare direttamente la Redazione a questa e-mail: redazione@larecherche.it, indicando chiaramente la questione e riportando il collegamento a questa medesima pagina. Si ringrazia per la collaborazione.
|
