Con lucidità spietata

Appassisco

Appassisco come tu mi vuoi

Appassisco

Con lucidità spiegata

Quannu a notti ti veni troppu scura

Quanmu criri ca s'arrubbanu i culura

arriorditi ca quannu a luna jucava a muccia a muccia 

e ti scantavi di muriri 

nascisti

Non t'abbarruari

accussi' s'abbrivisci:

o scuru

Scinni ancora

Scinni tuttu 

Scinni o funnu 

Poi nasci

Ca pi tia ju vinni

o munnu

.

"Aumenta a sapienza e aumenta u ruluri
ma megghiu morti curaggiusa ca vita vili"
17 febbraio Campo dè Fiori.
Eccolo!
Svampa d' oru
già mi vasa i nei intra l' occhiu
" Ti invoco, eroico furore!"

Pocu i capiri.

No Eumeu

e mancu Cimoni

ca ngratu e nfideli

a lasso' ravanti all'altari

tingennuci i niuru a vistina ianca

Pocu i capiri su pazza p'amuri

si fici nenti ri disperazioni

Carni squartata di carni

Lucintizza mpacchettata ri fangu

Veniri e Ceriri

sutta l'acqua purtatimi

Ceriri e Veniri

pi fauri anniatimi

Ciuscia ancora cammiddu ri terra

Ciuscia ancora fotti e veloci

Ciuscia e fammi petra pi sempri

Statua i risprezzu 

nginucchiata pi sempri

Lacrimi i sangu in eternu siminu

unni giardinu non crisci.

Sulu niuru distinu

Ri crita ni criasti

ri lava ni vististi

lucidi ruvidi

co sangu scuru

quannu lentu curri

appigghia fa grumi

'ntrizzati i viti

'nsitati i distini

du cori e n'arma

l'amuri abbamba

e ammenza u 'nfernu

occhi 'ntra l'occhi

n'arrinnemu arrirennu

U cori non cunta tempu

Non chiangiri cchiù

cu tia ci sugnu iu

u lustru torna

stringimi agghiorna

Comu quannu

intra u cori

u scuru mori

nta l'arma

nu ciuri di hibiscus

fa luci di gioia

ca adduma a iurnata

Ha cangiatu tuttu

e n'ha cangiatu nenti

i stiddi ascutunu sempri

li me lamenti

e iu brillu ancora

Comu a luci

s'amplifica 'nto riflessu

u niuru addiventa grigiu

su nu spartemu

Non chiangiri cchiù

cu tia ci sugnu iu

u lustru torna

stringimi agghiorna

Si u me cori

si gioia ca non si pò

esprimiri a paroli

Si cielu stiddatu

supra 'ncori marturiatu

Si luci di guariggiunu

miraculu oltri a raggiuni

Non chiangiri chhiù

cu tia ci sugnu iu

u lustru torna

stringimi agghiorna

 (TU .)

GNOCCULU!
Culuri a notti
a malasorti fai ruci
'Mparfumi l' aria
Ciumi di gigghi fai do cimentu
Frischizza i menta piperita
e nebulosa.
'Nsapurisci i lacrimi
arrobbi u celu o solu
E se ci fu vita prima di te
io non l' ho vissuta.
U me ciatu supra u to cori
Mai mori, l'Amuri. Crisci.

Curri.
Curri finu a luci 
ca poi addiventi d'oru.
Tutti i biddizzi do munnu
'nto to cori.